提起美人魚，好多人第一時間就會諗起迪士利嘅小美人魚——愛麗兒，但原來美人魚早係公元前10世紀就已經有記載，佢就係生命女神Atargatis。
傳說Atargatis愛上一個叫做Hadad 嘅牧羊人，互相相愛，後來生左一個女叫Semiramis，呢個女仔後來成為亞述帝國嘅女皇，最著名嘅作品就係建造咗巴比倫空中花園。
而Atargatis 因為一次意外，導致Hadad 死亡，佢無辦法承受佢對自己嘅內疚，於是跳入亞實基倫嘅一個湖中投河自盡。天神見到佢美若天仙，唔忍心睇住佢死，於是將佢變成一條美人魚。從此，佢就擁有人嘅上身，魚嘅尾巴。Atargatis 嘅故事係有史以來最早嘅一個美人魚故事，所以都被稱為第一條人魚（The First Mermaid)。
Atargatis嘅故事將我哋帶到去美人魚傳說嘅根源。水喺情緒嘅元素，Atargatis 因心碎而經歷蛻變。直至今日，美人魚嘅形象都包含著女神Atargatis所擁有嘅相同元素；
水嘅治癒療力丶女性嘅魅力、同海洋之間嘅情感聯繫。水可以令人覺得恐懼，但同時可以洗滌心靈，Atargatis代表即使面對恐懼同自己嘅黑暗面，都可以欣賞同愛自己所擁有嘅一切。
講完古代嘅人魚，下一次專欄再同大家分享令美人魚變成家傳戶曉，令大小朋友都着迷嘅原因。記得要留意啦！
資料蒐集：Oxford Classical Dictionary, 維基百科, 百度百科
