上期提到世界上第一條人魚Atargatis嘅故事，但係令到美人魚呢個故事深入民心，無論大小朋友都為之着迷嘅美人魚，相信非迪士尼嘅美人公主一艾利奧 莫屬 。
《小魚仙》(The Little Mermaid) 喺1989年由華特迪士尼所製作嘅第28部動畫長片，改編自童話之父一安徒生於1836年所發表嘅《美人魚》。
呢套動畫之所以成功，全因為故事新鮮動人，結合溫情、勇氣、排除萬難去追求目標嘅堅持，加上色彩斑斕嘅手繪角色同埋朗朗上口嘅音樂歌曲，令呢套動畫囊括多個獎項，其中包括奧斯卡最佳原創配樂和最佳原創歌曲獎等等。
除咗動畫、音樂同角色都贏得各大嘅好評之外，更加令票房大賣，首次上映期間獲得8400萬美元嘅全美票房同2.35億美元的嘅全球票房，被譽為迪士尼文藝復興嘅代表作。
喺2022年12月，仲被美國國家電影保護局宣佈將《小魚仙》列入國家影片登記表永久保存。只有被認為喺「文化上、歷史上或美學上具重要意義」嘅，先會被收錄。每年只有25套電影能夠成功入選。可見無論對美人魚界，定還是電影界都係舉足輕重！
亦因為深入民心，好多人都希望自己能夠化身成為一條美人魚，於是就有人自製魚蹼將自己變成真嘅人魚，佢就係人魚之母Mahina Mermaid。到而家係全球美人魚運動嘅表表姐，引領全球美人魚運動嘅安全，更加致力身體力行推廣海洋保育。
下一期就同大家分享一下世界上第一條魚尾係點做出黎啦！
