top of page

人魚證書課程

已更新:2023年7月17日

最近好多人問我,喺香港有咩好玩?夏天喎!梗係要落水啦!再加上Little Mermaid又就快上映,今次就為大家介紹一下香港嘅美人魚課程。


人魚課程係一個結合藝術同療癒嘅運動,參加者唔單止可以化身成為一條美人魚,仲可以鍛練肌肉、療癒心靈,無論想減肥,定係想放鬆心情嘅人都適合參加,就算唔識游水都冇問題㗎 !🧜🏻‍♀️


課程分為體驗班、初階班、進階班。



Mermaid 體驗班主要俾想嘗試進入人魚世界嘅俊男美女們感受一下,課程只需三個小時,就可以掌握基本游動及拍照技巧,一個費用,已經包晒所有裝備及證書,只要帶件泳衣去就玩到,夠晒方便!


至於M1初階班,就對技術有相對有要求,課程包括一堂理論、一堂形體、三堂泳池。畢業之後,可以做到基本嘅水下拍攝、拍片都冇問題👌🏻而且仲可以加入人魚嘅大家庭,定期一齊訓練,一齊參與唔同國家嘅交流活動


去到M2進階班,就會學習更多在水底控制浮力、表演技巧、顏色運用、服裝及化妝喺水裏面嘅特性,安全拯救等等嘅專業知識。畢業之後,會成為一位專業嘅人魚表演者,可以接拍廣告拍攝、商業演出等等的工作,甚至代表香港出賽,成為人魚運動員。


至於想將人魚成為自己事業嘅,就可以修讀教練課程,除咗深化水裏面嘅控制能力,仲會提供教學培訓、營商技巧、更多與其他教練合作的機會


無論想放鬆心情,又或者創造自己嘅事業,人魚運動都係一個值得探索嘅新興行業。

Comments


bottom of page